بِلندِ شو شبِ یلدا بییَمو
همه جمع:عمه،خاله،دایی،عمو
کوماج وُ بادونه کِنِس فراوُن
همه کرسیِ سَر خِنِه ی مییون
اَغوز وُ فِرموندی،لیمو ،پرتقال
اَتّا اَتّا گیرنّه همه ی فال
اَتی بَخون بَخون،خنده نشاطِ
اَتی گِنّه قدیمِ خاطراتِ
چندِ خار خار گِته ملداش نبی الله
گِته بهونه هَسِّه شب یلدا
که جمع بَوّیم وُ قَدرِ عمر بِدونیم
تا یلدایِ دیگِر شاید نَمونیم
اِلهی که خِش هَسه اَمشو ته فال
بِلِند باشه عزیز تِه بخت و اِقبال
رقیه رضاپور آهنگر
